MNF Party chuan AMC-ah hian sorkarna kan siam leh a nih chuan mipuite zangkhaina leh awlsam zawkna tur ruahmanna hrang hrang kan nei a. Aizawl khawpuia cheng mi rethei leh harsa zawkte tan inhlawhna tam zawk leh eizawnna kawnga puitu tur siam kan tum a. Thalaite’n nasa zawkah an thiamna leh theihna hmanga eizawnna a neih theihna tura theihtawp chhuah kan tum bawk a ni, an ti a. An tih tum hrang hrangte tarlang in.

1. Property Tax ennawn: AMC-a MNF a tlin leh chuan Property Tax khawnna tur Survey neih thar leh a ni ang a, khai rual taka Tax hi khawn a ni ang a, chawi tur zat dik tak chawi tura hmalak a ni ang. State sorkar nen tangkawpin Tax pek dan awlsam zawk (Apps/Application) siam tura hmalak a ni ang.

2. Building Permission pek chungchang (System improvement for Building permission): In sak phalna (Building permission) leh lei laih phalna mumal zawk leh rang zawka pek chhuah a nih theih nan hmalak a ni ang. Building Permission pek tawh, in sa zo mai thei lote'n awlsam zawka permission an renew  theihna turin ruahmanna siam a ni ang.

3. In sak phalna diltute'n pawisa tlem zawk an chawi dan tur ngaihtuah a ni ang. Sum tlem zawk chawia 'Soil Test' tih theihna turin hmalak a ni ang; tin, mipuite awlsam zawk nan AMC-ah Soil Testing Laboratory din tura hmalak a ni ang.

4. In hlui thiah phalna: In/building hlui thiah phalna rang zawka pek chhuah a nih theih nan ruahmanna siam a ni ang.

5. Leivung paih chungchang: Aizawl khawpuia chengte tan Leivung paihna hmun (dumping area) siam belh a ni ang a, leivung paih dan mumal zawk siam leh hman a ni ang. (Hei hi AMC hmalakna kal mek a ni a, a hmun turte pawh zawn mek a ni).

6. Mi harsate tan leh vantlang hmunhmaa tui dahkhawlna siam: Mi harsa zawkte tan tui dahkhawlna tur ngaihtuah sak an ni ang a, vantlang hmunhma remchangahte tui khawlna siam a ni ang.

7. Mi harsa zawkte tana inhlawhna siam: Aizawl khawpuia cheng mi rethei leh harsa zawkte tan inhlawhna tam zawk siam tum a ni ang.

8. Theatre/Auditorium changtlung siam: |halai - Film leh Music Industry lama tui mite fuankhawmna tur e.g. Movie Premier, Musical Concert, Album release etc. na tur hmun tha zawk (Theatre/Auditorium)-te PPP mode (sorkar leh mimal thawkho)-a siam turin hmalak a ni ang.

9. Youth Park/ Eco-Park siam: Aizawl khawpui daifem leh hmun remchang laiah mipuite, a bikin \halai leh naupangte tan chawlh hahdamna leh intihhlimna hmun 'Youth Park/ Sport Arena/Eco-Park/ Green Park' siam duhte hmalakpui tum a ni ang.

10. Vantlang hmun/Park-a Open Gym Siam: Aizawl khawpui chhung leh chhehvela hmun/park remchang laiah thalaite tan insawizawina hmun 'Open Gym' siam belh tum a ni ang.

11. Senior Citizen-te tana ruahmanna: Kum upa zawkte ngaih pawimawh an ni ang a, an hamthatna leh awlsamna tur ngaihtuah a ni ang.

12. AMC Sport Complex, Bawngkawn tihchangtlun: Bawng-kawn Local Council leh AMC-te intawm Sport Complex tih-changtlun mek hi chhunzawm zel a ni ang a, Artificial Turf phah tura hmalak a ni ang.

13. Pedestrian Flyover leh Footpath tam zawk siam: Aizawl khawpuiah mihring leh lirthei a pun zel avangin kan him zawk nan kea kalna (footpath) tam zawk leh Steel Pedestrian Flyover tam zawk siam a ni ang.

14. Internal road siam belh: Aizawl khawpui veng hrang hrangah internal road siam belh leh zauh tura hmalak chhunzawm a ni ang. Aizawl veng hrang hrang a\anga Main road/Bypass road pawhna tur kawng siam tum a ni bawk ang.

15. Vehicle Parking Two-wheeler/Taxi Parking Area bakah mimal lirthei park-na tur 'Smart Car Parking' tam zawk siam tura hmalak a ni ang. A tul dan azirin Vehicle parking kan hman/kalpui mek hi ennawn a ni ang.

16. Thlanmual in\awm siam (Common Cemetery): Aizawl khawpuia veng hrang hrangte tana thlanmual in\awm  buatsaih tum a ni ang. (Hei hi AMC hmalakna kal mek a ni a, a hmun turte pawh zawn mek a ni).

17. Satellite City din tura hmalak: Aizawl khawpui tawt lutuk tih ziaawm nan Aizawl By-pass Road laih mek denchhen hian Aizawl khawpui zauhna ‘Satellite City’ din dan kawng zawn a ni ang.

18. Vantlang hmuna Free Wifi tha zawk dah: Vantlang hmun leh zirna in pawimawh zualah Free Wifi chak zawk 5G dah tum a ni ang a; chungte chu uluk zawka enkawl tum a ni ang.

Heng kan tarlante tihlawhtling a, hnathawk thei turin mawhphurhna neia Aizawl mipuiten an duhsakna min hlan a nih phawt chuan, Aizawl him, hmasawn, fai leh mawi, Aizawl hlim leh thlamuang, dik leh langtlang siam chhunzawm zel kan tum a. Thangtharte ngaihtuahna fim leh zau lenna, upa zawkte thlamuanna, naupang leh nunaute himna AMC din hi kan tum tlat a ni.

Aizawl hi Mizoram Khawpui a nih chhunzawm zelna turin a thlavang hauha, hum tlat hi kan tum a ni. A chhiat leh thatah mawh inphurh tirin, Zofate Jerusalem tana ding tlat turin MNF Official Candidate te hi lungrual takin kan rawn penchhuak a ni. Aizawl mipui zawng zawngte tan thliarbik nei lova hnathawk turin kan inbuatsaih a. Hun kal tawha mi famkim tawklohna chhuanlam tum lovin kan hmaa tih tur awm thawk chhunzawm nghal turin kan inring a ni.

AMC hi MNF fahrin a nih angin a hringtu ngei enkawlna hnuaiah a himin, hmalam a pan zel dawn tih leh Central sawrkar atanga Fund hran nei, inrelbawlna hran nei a nih angin Sawrkar kal mekin a duhdan anga kal a, a kaihkual mai mai theihloh  mipui tana ding AMC din zel hi kan tum tlat a ni.

Aizawl tan dik leh felfai taka hun hmasa amite hmalakna chhunzawm tur te chhunzawm a, hma thar tam tak lakbelh zel a, kawng hrang hranga kan hriatna leh, theihna te hmang thei tura penchhuak AMC MNF Official Candidate min Vote a, kan chhinchhiahna ARSI ah min chhutsak vek turin Aizawl mipui zawng zawngte khawngaihna kan dilin, kan ngen tak meuh a ni, an ti.